 |
| Faiz Ahmad Faiz |
Naseeb azmaane ke din aa rahay hain
Qareeb un ke anay ke din aa rahay hain
Jo dil se kaha hai jo dil se suna hai
Sab un ko sunanay ke din aa rahay hain
Abhi se dil o jaan sir raah rakh do
Ke lutne lutane ke din aa rahay hain
Tapaknay lagi un nigahon se masti
Nigehain churanay ke din aa rahay hain
Saba phir hamein poochti phir rahi hai
Chaman ko sajanay ke din aa rahay hain
Chalo faiz phir se kahin dil lagayen
Suna hai thikaane ke din aa rahay hain.
Check Out: Very Deep and Sad Shayari in Urdu